CONEXIÓN TARRÍO

 

 

Unha vez integrados no PLAMBE, quixemos experimentar un pouco mais coas oportunidades que nos ofrecía o plan. Así que aventurámonos coa radio escolar e no curso 2019-2020, e en pleno confinamento puxemos nas ondas os nosos primeiros programas.

Aínda nos falta por aprender e argallar cos equipos, pero entre profesorado entregado e rapazada ilusionada  tentamos levar a nosa voz a través das ondas. 

Podes suscribirte a nosa canle de Ivoox e escoitar todos os nosos programas e novidades que andamos a preparar continuamente.

Conexión Tarrío en Ivoox

1º PROGRAMA: David Fernández narra o combate da WWE entre The Edge e The Undertaker. David é un apaixonado dos deportes e neste episodio amosa a súa capacidade narrativa diante dun micrófono.

 

Ligazón ao programa:  Combate WWE

 

2º PROGRAMA:  Chega a Conexión Tarrío, "Radio Noticias", o programa informativo creado por Emma, Noa, Clara e Clara Pena. Noraboa polo voso espazo radiofónico!!

 

Ligazón ao programa: Radio Noticias
 

3º PROGRAMA: Hoxe María estivo na radio para falarnos da revista Tortu News. Proximamente imos poder ver o numero 4 e queremos saber como se fai esta revista e cal é o proceso para que todos poidamos gozar desta xenial publicación. Grazas a María pola súa presencia en Conexión tarrío

Ligazón ao programa: Entrevista María

4º PROGRAMA: Que ganas tiñamos de que Gael viñera a Coexión Tarrío. E por fin aquí estivo cantando e falando do seu padriño Davide Salvado. Que marabilla escoitar a un rapaciño como Gael cantar en galego con tanta e tan boa paixón. Grazas e que teñas moitisimos éxitos, Gael.

 

Ligazón ao programa: Cantando con Gael

 

5º PROGRAMA:  Conexión Tarrío non podía falta a esta cita tan especial na que todas as emisoras do mundo celebran o dia deste medio de 110 anos de historia. Nos quixemos facer un programa colaborativo no que aparecen entrevista, música, cancións, dramatizacións, contos, chiste e moitas cousas máis. pasádeo ben escoitando este programa e Feliz Dia Mundial da radio.
Non esquezades de darvos de alta na nosa canle de iVoox para poder escoitalo.

Ligazón do programa: Día Mundial da Radio 2021 

 

6º PROGRAMA:  Hoxe 24 de febreiro non podiamos deixar de adicar o programa de radio á nosa poetisa máis universal, Rosalía de Castro. O equipo de Conexión Tarrío fai un percorrido pola súa vida e obra, e aproveita a ocasión para invitar á emisora a algúns compañeiros e compañeiras que leron varios poemas da artista. Grazas a Erika, Dani, Andrea e Carla pola súa colaboración. A música do programa pertence ao traballo de Uxía "Rosalía pequeniña".

 Ligazón do programa: Día de Rosalía de Castro