A Biblioteca é un espazo de lecturas e centro de recursos da información, onde poder exercitar as competencias intelectuais e emocionais para convivir e construír cidadanía. Un espazo no que lemos, nos informamos e aprendemos.
Dende o curso 2018-2019 integrados no PLAMBE (Plan de Mellora de Bibliotecas Escolares), a nosa biblio colleu protagonismo dentro do noso centro. E coa axuda da nosa mascota Tortu, intentamos construir e compartir neste espazo diferentes experiencias que nos axudan a medrar e convivir
Coa axuda de Tortu, a nosa mascota, estamos a facer da nosa biblioteca un lugar de encontro, de compartir experiencias e exposicións, de lecturas compartidas, desenvolvemento da creatividade, centro de recursos de información e investigación, e un espazo no que medrar xuntos, no que podemos atopar:
- Realización de préstamos xestionados co programa Meiga.
- Diferentes espazos de lectura.
- Zona Lego: desenvolvemento da creatividade.
- Espazo de traballo e estudo.
- Exposicións, entrevistas e recitais.
- Centro de recursos de información e investigación: libros documentais, revistas e novas tecnoloxías (tablets e ordenadores).
- Renovación e actualización de libros e contos.
- Lecturas compartidas, contacontos e apadriñamento lector.
Este curso, por motivos sanitarios, o seu uso está un pouco mais restrinxido. Pero intentaremos que a esencia da nosa biblioteca chegue a todos os lugares da nosa comunidade.
Tortu invítavos a achegarvos ata alí, pero sempre con responsabilidade e coidado.
Comentarios
Publicar un comentario